ഒഡാസിറ്റി (AUDACITY) -
ഡിജിറ്റൽ റെക്കോർഡിംഗ് സോഫ്റ്റ് വെയർ
(ഒൻപതാം സ്റ്റാൻഡേർഡിലെ ഐ.ടി
പാഠപുസ്തകത്തിലെ 'ശബ്ദലേഖനം നമ്മുടെ കമ്പ്യൂട്ടറിൽ'
എന്ന പാഠഭാഗത്തിന് ഒരു
സഹായി)
ഡിജിറ്റലായി
ശബ്ദം റെക്കോർഡ് ചെയ്യാനും എഡിറ്റ്
ചെയ്യാനും ഉപയോഗിക്കുന്ന സോഫ്റ്റ് വെയറാണ് ഒഡാസിറ്റി. ഗ്നു/ലിനക്സ്, വിൻഡോസ്, മാക്
എന്നീ ഓപ്പറേറ്റിംഗ് സിസ്റ്റങ്ങളിൽ ഉപയോഗിക്കാവുന്ന പതിപ്പുകൾ ലഭ്യമാണ്.
എഡിറ്റിംഗ്
പാടുന്നതും,
പറയുന്നതുമായ കാര്യങ്ങൾ കമ്പ്യൂട്ടറിലേക്ക് റെക്കോർഡ്
ചെയ്യാൻ ഒഡാസിറ്റി ഉപയോഗിക്കാം.കൂടാതെ
ഒരു പാട്ട് റെക്കോർഡ്
ചെയ്യുമ്പോൾ ചില വരികൾ
തെറ്റിപ്പോകുകയോ, പുറത്തുനിന്നുള്ള ശബ്ദങ്ങൾ കടന്നുവരികയോ ചെയ്യാം.
അത്തരം അവസരങ്ങളിൽ ആവശ്യമില്ലാത്ത ശബ്ദഭാഗങ്ങളെ
സെലക്ട് ചെയ്ത് ഡിലീറ്റ് കീ
അമർത്തി ഒഴിവാക്കാം.ഒപ്പം തന്നെ
ട്രാക്കിലെ ഫയലുകളെ സെലക്റ്റ് ചെയ്ത്
കോപ്പി&പേസ്റ്റ് രീതി ഉപയോഗിച്ച്
ഉചിതമായ സ്ഥാനത്ത് ക്രമീകരിക്കാം.
ഒഡാസിറ്റി എങ്ങനെ പ്രവർത്തിപ്പിക്കാം?
ആദ്യമായി ഒഡാസിറ്റി കമ്പ്യൂട്ടറിൽ ഇൻസ്റ്റാൾ
ചെയ്യുക,( ഡൗൺലോഡ് ചെയ്യാനുള്ള ലിങ്ക്
അവസാനം നൽകിയിട്ടുണ്ട്). അതിന്ശേഷം കമ്പ്യൂട്ടരിൽ
മൈക്രോഫോൺ സൗകര്യമുള്ള ഹെഡ്ഫോൺ ഘടിപ്പിച്ചശേഷം ഒഡാസിറ്റി
തുറക്കുക.അപ്പോൾ ചുവടെ നൽകിയിരിക്കുന്നത്
പോലെ ഒരു ജാലകം
തുറക്കും.
ജാലകത്തിന്റെ
മുകൾഭാഗത്തായി നിരവധി ബട്ടണുകൾ കാണാനാകും,
ഓരോ ബട്ടണിന്റേയും പ്രവർത്തനം
ചുവടെ നൽകിയിരിക്കുന്നത് ശ്രദ്ധിക്കുക.
റെക്കോർഡിംഗ്
ഇനി മെനുബാറിലെ റെക്കോർഡിംഗ് ബട്ടണിലമർത്തി
പാടാൻ തുടങ്ങിക്കോളൂ. പാട്ടിന് ശേഷം നിർത്താനുള്ള
ബട്ടൻ ഞെക്കുക, തുടർന്ന് ഫയൽ
സേവ് ചെയ്യുക. അതിനായി File ⇾ Save project എന്ന രീതിയിൽ ക്ലിക്ക്
ചെയ്യ്ത് ഫയലിന് പേരു് നൽകുക
(ഉദാ;my song) ഇനി സേവ്
ചെയ്യാം. ഇത് .aup എന്ന ഫയൽ
എക്സ്റ്റൻഷനോടെ സേവ് ചെയ്യപ്പെടുന്നു; അതായത്
നമ്മൾ പാടുന്ന പാട്ട് ഒഡാസിറ്റിയിൽ
.aup എന്ന ഫയൽ ആയിട്ടാണ്
സേവ് ചെയ്യപ്പെടുന്നത്(ഉദാ:my song.aup). ഈ ഫയലിനെ
mp3 ഫോർമാറ്റിലേക്ക് എക്സ്പോർട്ട് ചെയ്യാം. അതിനായി File ⇾
Export എന്ന
ക്രമത്തിൽ ക്ലിക്ക് ചെയ്യുക, തുറന്ന്
വരുന്ന ജാലകത്തിൽ Name ബോക്സിൽ ഫയൽ നാമം
(ഉദാ: my song) ടൈപ്പ് ചെയ്യുക.ശേഷം
ചുവടെയുള്ള ഫയൽ ടൈപ്പ്
സെലക്റ്റ് ചെയ്യാനുള്ള ബോക്സിൽ നിന്നും .mp3 സെലക്ട്
ചെയ്ത് സേവ് ചെയ്യുക(ഉദാ:my
song.mp3)
ഫയലുകൾക്ക് ഇഫക്ട് നൽകാം
കമ്പ്യൂട്ടറിൽ
സൂക്ഷിച്ചിട്ടുള്ള ഓഡിയോ ഫയലുകളെ എഡിറ്റ്
ചെയ്യാനും അവയ്ക്ക് ആവശ്യമായ ഇഫക്ടുകൾ
നൽകാനും ഒഡാസിറ്റി ഉപയോഗിക്കാം. മെനുബാറിലെ
File ⇾Open വഴി കമ്പ്യൂട്ടറിൽ
നിന്നും ആവശ്യമായ ഫയൽ സെലക്ട്
ചെയ്യുക. ശേഷം ഇഫക്ട് നൽകേണ്ട
ഭാഗം സെലക്ട് ചെയ്ത്
മെനുബാറിലെ Effect വഴി ആവശ്യമായ
ഇഫക്ടുകൾ നൽകി പ്രവർത്തിപ്പിക്കാം.
ഒഡാസിറ്റി ഡൗൺലോഡ് ചെയ്യാൻ അവരുടെ ഔദ്യോഗിക വെബ്സൈറ്റ് ഇതാ
നേരിട്ട് ഡൗൺ ലോഡ് ചെയ്യാൻ ഇവിടെ ക്ലിക്ക് ചെയ്യുക
തോമസ് സ്റ്റോക്ക് ഹോം (Thomas stockham)
ലോകത്താദ്യമായി
ഡിജിറ്റൽ ഓഡിയോ റെക്കോർഡിംഗ് സാധ്യമാക്കിയ
അമേരിക്കൻ കമ്പ്യൂട്ടർ വിദഗ്ധനാണ് തോമസ് സ്റ്റോക്ക് ഹോം.
1933-ൽ ന്യൂജഴ്സിയിൽ ജനിച്ച ഇദ്ദേഹം 'ഡിജിറ്റൽ
റെക്കോർഡിങ്ങിന്റെ പിതാവ്' എന്നറിയപ്പെടുന്നു. യു.എസ്.എ യിലെ
മസാച്യൂ സെറ്റ്സ് ഇൻസ്റ്റി ട്യൂട്ട് ഓഫ്
ടെക്നോളജിയിലെ പഠനകാലത്താണ് ഡിജിറ്റൽ സൗണ്ട് റെക്കോർഡിങ്
മേഖലയിലേക്ക് ഇദ്ദേഹം എത്തുന്നത്. 1975- ൽ
സൗണ്ട് സ്ട്രീം എന്ന
കമ്പനി സ്ഥാപിച്ച് 16 - ബിറ്റ് ഡിജിറ്റൽ ഓഡിയോ
റെക്കോർഡിംഗ് സിസ്റ്റം വികസിപ്പിച്ചു.
|
0 Comments